今篇所讲既题目，相信几有趣味性，不过，其实要多得大师姐白如雪。因为今次同大师兄匡正及大师姐白如雪一齐食午餐时，由于接近年尾，所以大家又讲到下十二生肖运程既事。
讲起生肖，大师姐白如雪问我：「方中圆，你知唔知道有何生肖，双方会唔夹（合唔来）？」
我即时答：「最唔夹既生肖，当然系鼠同马、牛同羊、虎同猴、兔同鸡、龙同狗、蛇同猪。」而大师姐听到后，笑住话：「小师弟唔错，全中﹗」大师兄听到就系到笑，唉！咁简浅既入门学问，我点会唔识丫！咁都问我，就系当我风水玄学见识少喇，搅到我都好尴尬。
大师姐见到我个样，笑得仲开心。佢笑到够，就再问我：「你知唔知，坊间仲流行紧一套讲法，话有几组生肖系特别唔夹既？」我真系一时间想唔起，唯有直接问答案：「大师姐，你直接讲我听啦？」大师姐话：「其实呢套就讲法，系应该叫做生肖对对碰。」
我好奇问：「生肖对对碰？」大师姐笑笑口话：「系我想出黎既形容词。」呢时，我有机会啦！等我擦下鞋先！大师姐果然系博士生，连呢个名词都想到出黎。大师姐话：「唔好擦鞋，讲你听啦！」我立即话：「洗耳恭听。」
大师姐继续讲生肖对对碰：「基本上，有以下几种生肖对对碰。坊间有以下既流传﹕
生肖属「虎」既人剋生肖属「羊」既人──因为送羊入虎口。
生肖属「猪」既人剋生肖属「虎」既人──因为扮猪食老虎。
生肖属「虎」既人同生肖属「虎」既人互剋──因一山不能藏二虎。
生肖属「鸡」既人同生肖属「狗」既人互剋─因为鸡犬不宁。
生肖属「狗」既人剋生肖属「虎」既人──因为虎落平阳被犬欺。
生肖属「狗」既人同生肖属「狗」既人互剋─因为狗咬狗骨。」
我听到后答讪：「原来老虎都会怕狗同猪，系唔系真架？」大师姐眨一眨眼：「你当茶馀饭后答讪既笑话就算啦！坊间流行既谚语，大部份都完全无玄学根据，听下就算啦！」
以上是这六对生肖注定不合，无论是做生意合作还是结婚都不可的相关内容，想了解更多生肖相关知识，请持续关注算婚姻网。
